Presidenti Meta kujton Azem Hajdarin: “Shqipëria si gjithë Europa” edhe më aktuale pas 30 vitesh! O TANI O KURRË!
Politikë E Shtunë, 12 Shtator 2020 13:47
Presidenti Ilir Meta ka kujtuar sot heroin e demokracisë, Azem Hajdari, në 22-vjetorin e vrasjes së tij.
Kreu i Shtetit shkruan në “Facebook” se vepra e Hajdarit frymëzon në çdo kohë, duke shtuar se e rëndësishme për mijëra shqiptarë, që sakrifikuan në emër të lirisë, është realizimi i ëndrrës për një Shqipëri evropiane.
Mesazhi i Presidentit Meta:
Vepra e Azem Hajdarit frymëzon në çdo kohë!
Nderimi më i madh për Liderin e Lëvizjes Studentore që përmbysi regjimin më totalitar të kontinetit dhe për mijëra shqiptarë të sakrifikuar në emër të lirisë dhe demokracisë është të realizojmë ëndrrën për një Shqipëri plotësisht europiane.
“Shqipëria si gjithë Europa” edhe më aktuale pas 30 vitesh!
O TANI O KURRË! 🇦🇱
