Presidenti Meta me ekipin izraelit: Jo vetëm na ndihmuan, por edhe na mësuan shumë!

Presidenti i Republikës Ilir Meta ka takuar mbrëmë në Durrës ekipin izraelit që ndihmoi pas tërmetit tragjik të 26 nëntorit që tronditi vendin tonë.

“Kënaqësi e veçantë të bisedoja mbrëmë në Durrës me ekipin e mrekullueshëm izraelit që ka bërë një punë të shkëlqyer gjithë këto ditë në ndihmë të institucioneve tona dhe komuniteteve të prekura rëndë nga pasojat e tërmetit tragjik. Ata jo vetëm na ndihmuan shumë, por edhe na mësuan shumë! Falënderoj ambasadorin e Izraelit, Noah Gal Gendler për kontributin e çmuar që po jep në forcimin e mëtejshëm të marrëdhënieve tradicionalisht të shkëlqyera mes dy vendeve e popujve tanë,”– shkruan Presidenti Meta në një postim në Facebook.