Presidenti Meta në meshën e shenjtë të Javës së Madhe të Pashkës në Katedralen e Civitas

Presidenti Ilir Meta ka marrë pjesë në meshën e shenjtë të Javës së Madhe të Pashkës, në Katedralen Civita.

Përmes një mesazhi në rrjetet sociale, kreu i shtetit thekson se ka pasur një pritje të ngrohtë nga Ipeshkvi i Eparkisë së Ungrës, Hirësia e Tij Donato Oliverio.

MESAZHI I PRESIDENTIT META:

🇦🇱❤️🇮🇹 Një pritje e ngrohtë nga Ipeshkvi i Eparkisë së Ungrës, Hirësia e Tij Donato Oliverio në Katedralen e Civita, ku pata gjithashtu kënaqësinë e veçantë të merrja pjesë në meshën e shenjtë të Javës së Madhe të Pashkës.
Mirënjohje të thellë për veprimtarinë e çmuar të Hirësi Oliverio në mbështetje të bashkësisë Arbëreshe në Itali, në veçanti për përpjekjet e Tij të pareshtura në ruajtjen dhe përcjelljen e riteve fetare dhe të traditave kishtare në gjuhën e Heroit Kombëtar, Gjergj Kastrioti Skënderbeu.
Të dyfishojmë përpjekjet tona që trashëgimia kulturore Arbëreshe, “Moti i Madh”, të jetë pjesë e UNESCO-s, sepse është një pasuri unike jo vetëm për Shqipërinë dhe Italinë, por edhe për Europën dhe botën.