Presidenti Meta paralajmëron konferencë të jashtëzakonshme: Të më ndjekin funksionarët e drejtësisë dhe policisë

Presidenti i Republikës, Ilir Meta ka paralajmëruar sot në mesditë një konferencë të jashtëzakonshme për mediat për parandalimin e krimeve të mëtejshme zgjedhore.

Lajmin për konferencën e ka dhënë në rrjetet sociale zëdhënësi i kreut të shtetit, Tedi Blushi.

“Presidenti i Republikës, Sh.T.Z Ilir Meta, do të zhvillojë sot në ora 11:30, një konferencë të jashtëzakonshme për mediat për parandalimin e krimeve të mëtejshme zgjedhore.

Thirrje të gjithë funksionarëve të drejtësisë dhe të policisë për të na ndjekur live“,- shkruan Tedi Blushi.