Presidenti Meta pret ambasadorin e ri të Arabisë Saudite, Faisal Ghazi Ismail Hifzi: Përpjekjet tuaja do i shërbejnë forcimit të marrëdhënieve

Presidenti i Republikës, Ilir Meta priti ditën e sotme në takim Ambasadorin e ri të Arabisë Saudite, Faisal Ghazi Ismail Hifzi, me rastin e paraqitjes së Letrave Kredenciale.

Presidenti Meta e uroi Ambasadorin për detyrën dhe e siguroi për mbështetje në përmbushjen me sukses të misionit të tij në Shqipëri.

Kreu i Shtetit vlerësoi përvojën e Ambasadorit dhe shprehu besimin se përpjekjet e tij do t’i shërbejnë forcimit të mëtejshëm të marrëdhënieve shumë të mira ndërmjet Shqipërisë dhe Arabisë Saudite, sidomos në fushën ekonomike e tregtare.

Presidenti Meta i shprehu mirënjohjen Ambasadorit për mbështetjen, ndihmën e vyer teknike e financiare dhe programet zhvillimore të dhënë ndër vite nga Arabia Saudite për Shqipërinë dhe popullin shqiptar.

Mësohet se ambasadori i ri që u prit sot nga Presidenti Meta, zoti Faisal Ghazi Ismail Hifzi është nga diplomatët më profesionistë të Arabisë Saudite.