Presidenti Meta: Sulejman Mema i ka dhënë gjithçka futbollit me pasion, profesionalizëm dhe qytetari

Presidenti i Shqipërisë, Ilir Meta ka vlerësuar figurën e lartë të Sulejman Memës, dhe gjithçkaje që kjo figurë i dha futbollit, që për kreun e shtetit e ka bërë me pasion, profesionalizëm dhe qytetari.

Postimi i plotë

Sulejman Mema ka qenë një futbollist i jashtëzakonshëm i një gjenerate të artë të Tiranës dhe Shqipërisë.

Edhe sot kemi nostalgji për inteligjencën, fantazinë dhe finesën e tij në fushën e blertë e sidomos për encet, që përfundonin në rrjetë, më lehtë se edhe vetë penalltitë. Ai ishte ndër ata lojtarë, që fitonte edhe duartrokitjet e kundërshtarit.

Edhe në këto tre dekada, Sulejman Mema i ka dhënë gjithçka futbollit me pasion, profesionalizëm dhe qytetari, siç i përket gjithmonë familjes së madhe sportive Mema. Për Sul Memën, nuk ka patur dhe nuk mund të këtë fishkëllima, por vetëm DUARTROKITJE!