Presidenti Meta vizitë në memorialin e Besëlidhjes së Mesaplikut

Presidenti Ilir Meta ka vizituar kompleksin memorial të Besëlidhjes së Mesaplikut.

Në një postim në “Facebook”, kreu i shtetit thekson se ajo ishte një prej ngjarjeve madhore që udhëhoqi Labërinë dhe Jugun e vendit në kryengritjet antiosmane të drejtuara nga Zenel Gjoleka.

“Kënaqësi të vizitoja kompleksin memorial të Besëlidhjes së Mesaplikut, një prej ngjarjeve madhore që udhëhoqi Labërinë dhe Jugun e vendit në kryengritjet antiosmane të drejtuara nga Zenel Gjoleka.

Besëlidhja e Mesaplikut luajti rol të rëndësishëm për të ndezur ndjenjat patriotike për liri dhe ishte një burim frymëzimi edhe për bashkimin dhe ngritjen e Labërise dhe gjithë Jugut në Luftën e Vlorës në vitin 1920″- shkruan Presidenti Meta në një postim në Facebook, ku ka ndarë dhe disa foto nga kjo vizitë.