Presidenti pret sot Ramën e Bashën. Diskutohet për datën e zgjedhjeve

Presidenti Ilir Meta do të presë sot në Presidencë Kryeministrin Edi Rama dhe liderin e opozitës Lulzim Basha, për të nisur konsultimet për datën e zgjedhjeve parlamentare.

Ramën do ta shoqërojë Taulant Balla. Siç u konfirmua dje, takimi do të zhvillohet në orën 11:00 në Presidencë për t’u konsultuar për datën e zgjedhjeve të 2021 që zhvillohen pranverën që vjen.

Ndërkohë lideri demokrat Lulzim Basha do të jetë 1 orë pas Ramës në Presidencë, më 12:00, teksa Presidenti pret edhe Luan Ramën nga LSI si dhe nga opozita parlamentare, Rudina Hajdarin.

Mësohet se socialistët në takimin me kreun shtetit do to propozojnë si datë zgjedhjesh 9 majin, ditën e fitores kundër fashizmit, e cila njihet edhe si dita e Europës.  Ndërsa demokratët i duan zgjedhjet në datën më të afërt. Në periudhën zgjedhore data më e afërt është 18 prilli dhe pikërisht  ajo pritet të propozohet në tryezën e e Presidentit nga opozita jo parlamentare