Presidenti shpreh ngushëllime për ndarjen nga jeta të Dr. Polikron Çela

Presidenti i Republikës, Ilir Meta ka shprehur ngushëllimet për ndarjen nga jeta të Dr. Polikron Çela.

Presidenti vlerëson kontributin e mjekut në njohur në fushën akademike, por edhe në punën e tij si mjek pediatër.

“Me hidhërim të thellë mësova lajmin e ndarjes nga jeta të mjekut të njohur e të devotshëm e të palodhur të fëmijëve, pediatrit Polikron Çela. Kontributi i tij spikat edhe nga studimet shkencore në fushën e mjekësisë dhe botimit të disa veprave të rëndësishme”. Duke ndarë me ju dhimbjen e thellë për humbjen e këtij mjeku të vecantv, i përcjell ngushëllimet më të thella të gjithë familjarëve dhe të afërmëve të tij e njëkohësisht gjithë bashkëpunëtorëve dhe kolegëve të të ndjerit Çela. Iu prehtë shpirti në paqe!”,- shprehet kreu i shtetit në mesazhin e tij për mjekun e njohur.