Pretestë e 2 prillit në Shkodër, Basha: Pranvera e shpresës nis me shporrjen Rama-Meta

Partia Demokratike ka kujtuar sot 2 prillit në Shkodër, ku në protestën e 24 viteve më parë kundër ish-pushtetit komunist, mbetën të vrarë katër të rinj shkodranë, Arben Broci, Bujar Bishanaku, Besnik Ceka dhe Nazmi Kryeziu. Kryetari i Partisë Demokratike, Lulzim Basha në këtë datë ka mbajtur protestën e radhës në  Shkodër nga ku tha se nga ky qytet do të nisë pranvera e shpresës. – “Sa herë jam këtu mes jush është sikur vij për herë të parë. Kur je në këtë shesh në 2 prill nuk mund të krahasosh emocionet. Po ndërronim katër heronjtë e 2 prillit. Sot jemi të gjithë shkodranë, për të filluar pranverën e shpresës dhe të shporrjes së Ilir Metës dhe Edi Ramës.  Në këto protesta mijëra qytetarë janë bashkuar kundër qeverisë Rama-Meta, kundër qeverisë së ngritur mbi krimin”, deklaroi Basha.  Shkodra dhe shkodranët do të jenë në ballë, – u shpreh Basha, –  kundër ngritjes se krimit nëse sistem nga oligarkia Rama­-Meta. –“Fitorja e Shkodrës e shqiptareve është me afër se kurrë. Dëshmoret e demokracisë janë frymëzimi ynë”, theksoi më tej kreu i opozitës.  Gjithashtu Basha u shpreh se kjo mazhorancë është trashëgimtare e bllokut enverist.   Ishte hera e parë që Partia Demokratike e përkujton demonstratën e përgjakshme të 2 prillit të vitit 1991, në Shkodër me protesta dhe jo me aktivitete dhe ceremoni.