Prezantohet ambasadori i ri amerikan: Politika e SHBA-ve ndaj Shqipërisë nuk ndryshon

Ambasadori i ri amerikan, Donald Lu ka prezantuar sot publikisht veten e tij, duke folur edhe mbi prioritetet e punës së tij në Shqipëri.

“Gjatë kohës që mësova shqip, – tha Lu, – më lini t’ju tregoj pak për veten dhe familjen time dhe pastaj do të flas për prioritetet e Uashingtonit për Shqipërinë", iu drejtua ai gazetarëve.

Duke rrëfyer së pari se është rritur në një qytet bregdetar në jug të Kalifornisë, që është i njohur në Amerikë si qyteti i serfit.

"Ky qytet është multietnik ku shumë njerëz, edhe nga Shqipëria, vijnë për të gjetur mundësi të reja për veten dhe familjet e tyre. Babi im erdhi nga Kina; ai ishte një inxhinier i sukseshëm dhe kishte hobi makinat e vjetra. Nëna ishte lindur në atë qytet nga prindër, gjithashtu emigrantë. Pasi mbaroi universitetin, ajo u bë presidente e një kompanie. Prindërit kursyen paratë e tyre për të na dhënë arsim të mirë. E gjithë familja ime jeton në Kaliforni. Kurse bashkëshortja ime e dashur është me mua këtu dhe është specialiste e shëndetit publik. Ne kemi dy fëmijë: Allia, 9 vjeçe dhe Kip, 13 vjeç, që janë super të zgjuar dhe shumë të lumtur që janë në Shqipëri", shpjegoi Lu.

Duke shtuar se prioritetet e tij janë integrimi I Shqipërisë në BE, forcimi në NATO dhe institucionet demokratike

"Marrja e statusit kandidat është një arritje e pamatë, për të cilën shqiptarët duhet të jenë shumë krenarë. Ne mbështesim integrimin e mëtejshëm të Shqipërisë në NATO dhe BE. Kjo mbështetje është nxitje e përpjekjeve të Shqipërisë në luftën kundër korrupsionit dhe krimit të organizuar.

Të jeni të sigurtë se ne do të jemi miq të të gjithë shqiptarëve, – tha Lu. – Ambasadorët ndryshojnë, por politika amerikane nuk ndryshon”.