Princi i Maltës në Tiranë: 20 vjet miqësi, do të vazhdojmë ta përforcojmë

Shqipëria dhe Malta mbushin sot, 20 vjet që nga vendosja e marrëdhënieve diplomatike ndërmjet tyre. Pikërisht për të kujtuar këtë datë dhe për të intensifikuar marrëdhënien ndërmjet dy vendeveve, në Shqipëri ka ardhur për një vizitë, Princi i Maltës, Fra’ Matthew Festing, i cili është pritur nga Presidenti i Republikës, Bujar Nishani.

Nishani që në krye i shprehu Princit, mirënjohjen për kontributin që ka dhënë Malta në Shqipëri dhe i uroi, qëndrim të këndshëm gjatë vizitës.

Nga ana e tij, Fra’ Matthew Festing bëri të qartë se “vizita ime përkon me 20-vjetorin e marrëdhënieve diplomatike, që u vendosën në 1994. Ndaj, dua të shpreh aspiratën time për të intensifikuar marrëdhëniet tona. Që nga viti 1995, projekte të rëndësishme sociale dhe shëndetësore janë zbatuar nga Organizata e Ndihmës së Urdhrit të Maltës në Shqipëri, që tani numëron 200 vullnetarë. Ajo shërben për dhënien e ndihmës së shpejtë, për të ndihmuar njerëzit në nevojë, për të ngritur kopshte për fëmijët kampe veriore për ta.”