Prokuroria e Tiranës nis hetimet për skandalin e pagave. Dërgon grupin hetimor tek AKSHI, ISSH dhe Drejtoria e Tatimeve

Kur skandali i publikimit të pagave të shqiptarëve vijon të thellohet, sepse ditën e sotme doli një tjetër bazë të dhënash, Prokuroria e Rrethit Gjyqësor Tiranë ka nisur veprimet hetimore për veprat penale shpërdorim detyre.

Mësohet se Prokuroria ka dërguar grupin hetimor në institucionet e: AKSHI-t, ISSH dhe të Drejtorinë e Tatimeve.

Sot, të enjten, u publikuan të tjera të dhëna, të cilat i takonin muajit prill. Kryeministri Edi Rama në një deklaratë për mediat tha se të dhënat kanë rrjedhur nga individë të brendshëm dhe nuk kemi të bëjmë me një sulm kibernetik.