Prokuroria i kthen përgjigje Metës për ministrat e qeverisë ”Rama 3”

Pa kaluar 24 orë nga kërkesa e Presidentit Ilir Meta për anëtarët e kabinetit qeveritar, Prokuroria e Përgjithshme i kthen përgjigje.

Sipas Prokurorisë së Përgjithshme, për asnjë nga 16 ministrat e propozuar nga Edi Rama nuk ka të regjistruar ndonjë hetim penal nga prokuroritë e vendit.

Kabineti i ri qeveritar përbëhet nga 12 ministre, katër prej të cilave pa portofol, 3 ministra dhe një zëvendëkryeministër. Pas dekretimit, ata do të duhet të betohen në Presidencë.