Protesta e Berishës kundër Vuçiç/ Nesho: Lëvizje politike me shumë dimensione! Shtypi botëror foli për të

Protestën e thirrur nga Sali Berisha dhe e mbështetur nga mijëra demokratë, diplomati Agim Nesho e lexon si të nevojshme për ti dërguar mesazh se orientimi i Shqipërisë është perëndimi dhe se nuk ka kompromise në çështjet kombëtare. Po ashtu ai pohon edhe se shtypi botëror ka folur për këtë protestë.

”Protesta ishte një lëvizje politike që kishte shumë dimensione dhe ishte e domosdoshme. Pasi deri tani kishim parë një kryeministër autoritar i cili kishte personalizuar politikën e jashtme dhe sillej si pronar i një çifligu të madh dhe diskutimet e temave kaq të rëndësishme si ”Balkani i Hapur”.

Dominimi i Serbisë në tërë rajonin e Ballkanit. Në anënn tjetër shikonim kritika me radhë në drejtim të kryeministrave të Kosovës. Gjë e papranueshme.

Së dyti është një mesazh për perëndimin, pasi ishte e rëndësishme që populli shqiptar të tregonte se ka orientimin e tij perëndimor por nuk mund të bëjë koncesione që kanë të bëjnë me çështje të probleme të prespektivës kombëtare. Jemi shumë të qartë në linjën tonë pro perëndimore. Shtypi botëror ka folur për këtë protestë”,-tha në ”Syri.net”.