Protesta për rritjen e çmimeve, Ministri Çuçi: Policia e pjekur për çdo situatë

Nesër do të mbahet një protestë për rritjen e çmimeve. Ministri i Brendshëm, Bledi Çuçi, tha se Policia e Shtetit është e pjekur mjaftueshëm për të menaxhuar situatat që lidhen me protestat.

Gjatë një lidhjeje live në emisionin “Opinion”, ku foli për dorëheqjen e Ardi Veliu nga drejtimi i Policisë së Shtetit, Çuçi iu përgjigj pyetjes së Fevziut nëse Ministria është e përgatitur për të menaxhuar protestat e mundshme lidhur me deklaratat e kryeministrit Edi Rama për rritje çmimesh.

“Protesta është gjëja më e ligjshme në demokraci. E rëndësishme është të bëhen paqësore dhe besoj se policia ka pjekurinë e duhur për të menaxhuar çdo situatë që lidhet me protestat”.