Protesta tek Astiri, Braimllari: Rama rrethon banorët me polici

Sekretari i Përgjithshem i LSI-së, Endrit Braimllari ndodhet tek “Unaza e Re”, në mbështetje të banorëve tek zona e Astirit. Ai ka hedhur akuza mbi kryeministrin Rama, ku sipas tij, kreu i qeverisë po rrethon banorët e “Unazës së Re” me polici. “Edi Rama rrethon banorët e “Unazës së Re” me forcat speciale sepse po protestojnë kundër hajdutërisë së Edi Ramës. Edi Rama vendos forcat speciale kundër qytetarëve për të mbrojtur vjedhjen e tij të 40 milion euro. Banorët e “Unazës së Re” arrestohen kurse Edi Rama që do gllabëronte 40 miliom euro është i lirë”. Kujtojmë se në zonë ka forca të shumta të Policisë së Shtetit, FNSH dhe efektivë civilë. Ndërsa nuk mungojnë as forcat speciale të pajisura me gaz lotsjellës.