Protestat me armë në Miçigan. Donald Trump: Janë njerëz të mirë, por të inatosur. Guvernatorja të heq masat

Presidenti Donald Trump mbështet protestuesit e Michiganit, të cilët kanë dalë të protestojnë të armatosur, kundër masave të vendosura ndaj koronavirusit nga guvernatorja Gretchen Whitmer.

“Guvernatori i Miçiganit duhet të heqë dorë nga disa masa dhe të shuajë zjarrin”- ka thënë Donald Trump në mesazhin e tij në Twitter. “Këta janë njerëz shumë të mirë, por janë të zemëruar. Ata kërkojnë t’u kthehet jeta e tyre në mënyrë të sigurt. Takoji ata, diskuto, bëj marrveshje”-vijon më tej Trump.

Presidenti i SHBA-së është shprehur i shqetësuar për mbërritjen e një goditje të madhe të papunësisë në vend. Ai inkurajoi guvernatorët të lehtësojnë kufizimet e përcaktuara. Në Miçigan qindra protestues të armatosur rëndë, hynë në selinë e parlamentit lokal për të kundërshtuar me forcë urdhrin r zgjatjen e karantinës së koronavirusit me dy javë të tjera, deri në 15 maj.

The Governor of Michigan should give a little, and put out the fire. These are very good people, but they are angry. They want their lives back again, safely! See them, talk to them, make a deal.

— Donald J. Trump (@realDonaldTrump) May 1, 2020