Protestuesit shpërthejnë në thirrje: “Kosova, zemra e Shqipërisë”, “Rama ik”, “Edvin tradhtar”

“Kosova, zemra e Shqipërisë”, “Rama ik”, “Turp, turp”, “Edvin tradhtar”, janë disa nga thirrjet e protestuesve të mbledhur para Kryeministrisë. Që prej ditës së djeshme, ata protestojnë kundër Presidentit të Serbisë, Aleksandër Vuçiç, i cili ndodhet në Tiranë në kuadër të marrëveshjes për ”Mini-Shengenin”. Në vend ndodhen edhe shumë forca policie.

Kryeministri Edi Rama, Presidenti i Serbisë, kryeministri i Maqedonisë dhe Presidenti i Malit të Zi, kanë mbërritur në hotel Rogner pas vizitës në Durrës në disa vende të prekura nga tërmeti i 26 nëntorit. Në 13:15 është parashikuar edhe konferenca për shtyp e tyre.

Kosova refuzoi ftesën për të marrë pjesë në këtë samit për shkak të qëndrimit dhe deklaratave të Presidentit të Serbisë, Aleksandar Vuçiç, i cili ka mohuar masakrën e Reçakut duke thënë se disa nga viktimat aty ishin pjesëtar të UÇK-së. Presidenti serb e ka quajtur masakrën e Reçakut, të njohura nga gjithë bota ‘krim të fabrikuar’.

Edhe një ditë më parë Vetëvendosje, qendra në Shqipëri protestoi kundër ardhjes së Vuçiç.