PS kërcënon. Gjiknuri ultimatum opozitës: Ju presim deri të premten

Mbledhja e Këshillit Politik për reformën zgjedhore është mbyllur pa konsensus. Opozita ka kërkuar që çështja të mos ndalohen koalicionet parazgjedhore dhe listat të hapen 100 %. Ndërkohë qeveria, megjithëse Këshilli Politik është ngritur për konsensus dhe negociata, ka kaluar në ultimatume dhe në kërcënime për votim të njëanshëm të ndryshimeve ligjore.

Bashkëkryetari  i Komisionit të Reformës Zgjedhore, Damian Gjiknuri në takimin e Këshillit Politik është shprehur se, tashmë ndryshimet kushtetuese janë në fuqi.  “Ne i kemi qëndruar marrëveshjes, deri të Premten duhet të dërgoni propozimet për: 1) pragun kombëtar zgjedhor, 2) afatet e paraqitjes së listës unike nga aleancat dhe 3) si do kryhet aspekti procedural i votimit për kandidatët në kushtet e listave te hapura duke ruajtur kuotat gjinore. Ndryshimet kushtetuese tashme janë në fuqi. I doni apo nuk i doni kjo është tjetër çështje. Kemi Kushtetutën në fuqi dhe detyrimin për ta reflektuar në Kodin Zgjedhor. Ju lutem, ju ftoj që në ditët e ardhshme, deri të Premten të sillni propozimet tuaja”,- është shprehur ndër të tjera Gjiknuri.

Mbledhja e Këshillit Politik për reformën zgjedhore është mbyllur pa konsensus. Opozita ka kërkuar që çështja të mos ndalohen koalicionet parazgjedhore dhe listat të hapen 100 %. Ndërkohë qeveria, megjithëse Këshilli Politik është ngritur për konsensus dhe negociata, ka kaluar në ultimatume dhe në kërcënime për votim të njëanshëm të ndryshimeve ligjore.

Kjo gjuhë e përdorur në takim vetëm negociatë nuk mund të quhet.  Është i njëjti stil antikonsensual që Edi Rama përdori dhe me marrëveshjet e tjera. Edhe njëherë PS po tregon se opozita i duhet për fasadë dhe pavarësisht të drejtës, ligjeve dhe ndërkombëtarëve, Edi Rama do të miratojë Kodin Zgjedhor që i bën punë vetëm atij.