PS rrëzon dekretin e Presidentit Meta për Parkun Kombëtar të Butrintit

Ditën e sotme në Komisionin e Ekonomisë u shqyrtua dekreti i presidentit për kthimin e ligjit nr. 50/2022 “Për miratimin e marrëveshjes për administrimin e nënzonave të trashëgimisë kulturore dhe peizazhit kulturor, pjesë e parkut kombëtar të Butrintit, ndërmjet Ministrisë së Kulturës dhe Fondacionit për Menaxhimin e Butrintit”.

Në përfundim të kësaj mbledhje, Partia Socialiste ka rrëzuar dekretin e Presidentit Meta.

Diskutimi për këtë çështje u shoqërua me debate mes deputetëve të mazhorancës dhe opozitës.