PS tur takimesh në diasporë, Kuko: Shqiptarët mund të ndikojnë në zgjedhjen e eurodeputetëve

Për herë të parë, kryeministri Edi Rama do të nisë një tur takimesh me diasporën shqiptare. Sekretarja për marrëdhëniet me Jashtë në PS, Romina Kuko tregon qëllimin e kësaj lëvizjeje.

Takimet me shqiptarët që jetojnë në këto kryeqytete europiane përkojnë me fushatën elektorale të zgjedhjeve për parlamentin europian. Duke konsideruar numrin e lartë të emigrantëve që jetojnë në Greqi, a po synon Rama të orientojë votën e emigrantëve drejt partisë simotër në Greqi?

Për ”A2cnn”, Romina Kuko preferon të mos e quajë një “show force” të Ramës ndaj homologut grek Mitsotakis, por nuk e mohon se është një përpjekje për të evidentuar rolin e shqiptarëve si faktor, aty ku prej vitesh kanë ndërtuar jetën e tyre.

Rama do të tregojë që me shqiptarët që jetojnë në Europë mund të ndikojë në zgjedhjen e deputetëve të PE. Kryeministri grek Mitsotakis ka përfshirë në listën e tij të zgjedhurin e Himarës, Alfredi Beleri si një përpjekje për ta marrë nga burgu në Shqipëri dhe për ta dërguar në organet qendrore të Bashkimit Europian.