Pse u shkarkua Gledis Nano? Rama: U rikthyen parcelat me kanabis. Legjenda urbane lajmet për Martinajn

Për shkarkimin e Gledis Nanos nga posti i drejtori i Përgjithshëm i Policisë së Shtetit, kryeministri Edi Rama tha në emisionin ”Opinion” se ai i kishte konfirmuar dorëheqjen, ndërsa tha se largimi erdhi për shkak të rezultateve të ulta të punë së Policisë së Shtetit.

Pse u largua Gledis Nano?

Pse duhet të jetë kaq e rëndësishme pse u largua Gledis Nano. Ai ma konfirmoi mua dorëheqjen, sepse i është kërkuar dorëheqja sepse situata e muajve të fundit ishte kritike dhe kërkonte adresimin e saj me ndryshimin e lidershipit të policisë së Shtetit.

Nano ka patur informacion për Ervis Martinajn?

Nuk është e vërtetë.

Ka patur zëra që Nano ka raportuar në ambasada të huaja për lidhjen e krimit me politikën.

Legjenda urbane. Ai ka kryer detyrën e ka bërë sa ka mundur, por i është vënë në diskutim rezultati. Me atë rezultat ku ne filluam të shikojmë simptoma problemesh që nga rishfaqja e parcelave me kanabvs pranë zonave urbane, uniformat blu që merrnin ryshfete, vrasjet pa autor të gjitha këto kërkonin një shkundje.