Qendra e sigurisë kibernetike, ambasada e SHBA-së: Krah Shqipërisë për një të ardhme digjitale më të sigurt

Në ministrinë e Mbrojtjes është hapur Qendra e re për Reagim kundër Sulmeve Kibernetike (CCARC), investim i Shteteve të Bashkuara. Ambasada amerikane në Tiranë, njofton se qendra prej 8.4 milionë dollarësh është pjesë e një fondi të gjerë ndihme ndaj Shqipërisë për sigurinë kibernetike.

“Investimi i Shteteve të Bashkuara në sigurinë kibernetike të Shqipërisë vazhdon: i Ngarkuari me Punë David ëisner iu bashkua Kryeministrit Edi Rama, Ministrit të Mbrojtjes Niko Peleshi dhe Shefit të Shtabit të Forcave të Armatosura Gjeneralmajor Arben Kingji në Qendrën e re për Reagim kundër Sulmeve Kibernetike (CCARC) në Ministrinë e Mbrojtjes.

Vënë në punë nga IBM Security QRadar Suite, Qendra është në gjendje të zbatojë operacione të vazhdueshme për të shquar, pakësuar dhe për t’iu përgjigjur sulmeve kibernetike kundër infrastrukturës kritike mbrojtëse të teknologjisë së informacionit.

Qendra prej 8.4 milionë dollarësh është pjesë e një fondi më të gjerë prej 50 milionë dollarësh e përpjekjeve të ndihmës së Shteteve të Bashkuara për sigurinë kibernetike të Shqipërisë. Shtetet e Bashkuara janë krenare të qëndrojnë krah aleatit dhe partnerit të tyre duke forcuar praninë dhe koordinimin e sigurisë kibernetike të Shqipërisë për një të ardhme digjitale më të sigurt”, thuhet në reagimin e ambasadës.

U.S. Investment in #Albania’s Cyber Security Continues: Chargé d’Affaires David Wisner joined Prime Minister Edi Rama, Defense Minister Niko Peleshi, and Chief of Defense Major General Arben Kingji at the new U.S.-funded Combatting Cyber Attack Response Center (CCARC) at the… pic.twitter.com/97hBCVl9Te

— USEmbassyTirana (@USEmbassyTirana) January 14, 2024