Qeveria greke reagon ndaj Ramës, Kotzias: Me historinë duhet të jemi seriozë

nuk ka vonuar përgjigjia e qeverisë greke për kreun e qeverisë shqiptare që foli një ditë më parë për marrëdhëniet me shtetin fqinj në Kuvend.

Ministri i Jashtëm i Greqisë, Nikos Kotzias, i kujton kryeministrit të Shqipërisë Edi Rama se historia është e bazuar në fakte dhe jo në fiksione.

Deklaratat e tij u bënë gjatë konferencës për shtyp në Athinë me homologun e tij polak Vitold Waszcykowskin.

“Lidhur në historinë, unë jam përgjigjur në mënyrë të detajuar dhe përsëris atë që kam thënë; historia duhet të jetë një shkollë për të gjithë ne dhe jo një burg.

Me historinë duhet të sillemi në mënyrë serioze dhe të jemi seriozë. Ajo është e bazuar në fakte dhe jo në fiksionet e mëvonshme”, u shpreh Kotzias.

Ai iu përgjigj edhe deklaratave të kryeministrit Rama për Akropolin.

“Kujt i pëlqen historia greke dhe kultura greke, ai është i mirëpritur. Vetëm mos të arrijë në pikën që të konsiderojë se këto janë ekskluzivisht të vetat dhe nuk janë greke.”, theksoi ministri grek.