Qeveria vendos të mbulojë shpenzimet për kurimin e aktorit Genc Fuga

Qeveria shqiptare ka vendosur ditën e sotme të mbulojë shpenzimet për operacionin e aktorit Genc Fuga.

Prej ditësh, mediat dhe rrjete sociale kanë bërë apel për ndihmë për operacionin e aktorit të njohur, i cili pësoi goditje në tru dhe duhet t’i nënshtrohej një operacioni që kushtonte 2 milionë lekë.

Në pamundësi që familjarët e Fugës të paguanin këtë shumë të lartë, dashamirës të artistit kanë kontribuar duke mbledhur shumën dhe duke bërë të mundur operimin e aktorit. Ndërkohë, sot qeveria ka vendosur që ta mbulojë të gjithë këtë shumë.