Qytetari hedh mbetjet në rrugë, Rama i nxjerr videon: 1 mln lekë gjobë nuk mjaftojnë

Një qytetar nga Golemi që hedh mbetjet në rrugë, është publikuar me video në Facebook-un e kryeministrit Edi Rama. Kreu i qeverisë shprehet se duhen rritur ndëshkimet ndaj njerëzve të papërgjegjshëm që ndotin ambientin.

“1 milionë lekë gjobë nuk mjaftojnë për zotërinë që në kulm të sezonit në Golem, i hedh mbetjet në rrugë, sepse sanksionet për këta ndotës të pacipë duhen rritur me se s’bën për ta mbrojtur Shqipërinë nga ky soj kaq i papërgjegjshëm”, shkruan Rama në rrjetet sociale.

Rama përgëzon dhe inkurajon policinë që të mos ulë vigjilencën ndaj këtyre akteve.