Qytetari: Ke 6 muaj që thua se qeveria do rrisi rrogat. Kryeministri Rama: Jo hesape pa hanxhar

Kryeministri Edi Rama ka replikuar këtë të premte me qytetarët në rrjetet sociale, e kësaj here për premtimin për rrogat. Teksa një qytetar i shkruan se ka gjashtë muaj që është premtuar se do të rriten rrogat dhe pensionet, sot nuk është arritur ky premtim.

Kryeministri Edi Rama i thotë se rritja hyn në fuqi në 1 qershor dhe se rrogat rriten sipas mundësisë dhe jo dëshirës.

”Gjermania do t’i kishte çuar 10 mijë euro për person, po ja që nuk e bën, siç nuk e bën askush, sepse bien shtetet, siç ra Shqipëria në 1997-en po të shpërndahen para me shumë sesa c’mblidhen nga puna”.