Rama: Bashkimi me Kosovën nuk ka qenë asnjëherë qëllim për Shqipërinë

Kryeministri Edi Rama deklaroi se bashkimi me Kosovën nuk ka qenë asnjëherë qëllim për Shqipërinë. Në një intervistë për “Al Jazeera”, Rama theksoi se “‘Shqipëria e Madhe’, ‘Serbia e Madhe’, apo çfarëdo qoftë tjetër ‘e Madhe’ është ajo që e shkuara na ka lënë”.

Ndër të tjera, kryeministri Rama tha se njohja e pavarësisë së Kosovës nga Serbia është e rëndësishme për të gjithë.

“Është shumë e rëndësishme për njerëzit, për shqiptarët dhe serbët, si dhe për shqiptarët e Kosovës.”- theksoi shefi i qeverisë shqiptare.