Rama bën bilancet në Athinë: Falenderues për shijen e shkëlqyer të mikpritjes në shtëpinë e Mitsotakis

Kryeministri Edi Rama ka zbuluar pak nga vizita e tij në  Athinën zyrtare ku është takuar me homologun e tij grek Mitsotakis dhe Ministrin e Jashtëm Dendias.

Në një postim në twitter, Rama shkruan se është falenderues për shijen e shkëlqyer të mikpritjes në shtëpinë e kryeministrit Mitsotakis, ku bënë një bilanc të situatës me Covidin, marrëdhënies mes dy vendeve tona dhe problematikave rajonale.

“Vullnet i plotë për ta zhvilluar bashkarisht më tej këtë marrëdhënie strategjike” përfundon Rama.

Kryeministri shqiptar Edi Rama zbriti sot  në Athinë për një vizitë jozyrtare.

Vizita e Ramës në Athinë vjen pas një qëndrimi dyditor në Ankara dhe në kohën kur Shqipëria dhe Greqia kanë shprehur gatishmërinë për t’i zgjedhur mosmarrëveshjet për ndarjen e kufirit detar në Gjykatën e Hagës.