Rama deklaratë nga Ohri: Bashkimi Europian na ka zvarritur

Kryeministri Edi Rama ka dalë në një konferencë për mediat nga Ohri, ku është mbajtur takimi i dytë i nismës “Ballkani i Hapur”.

Në fjalën e tij, Rama ka komentuar deklaratat e tij për zvarritjen e procesit të anëtarësimit të Shqipërisë nga Bashkimi Europian. Rama tha se deklaratat e tij nuk janë akuza por janë fakte.

“Unë nuk akuzoj BE-në. Përkundrazi, unë jam një europian 100% i përkushtuar dhe i vendosur si me BE-në si pa BE-në. Përsa kohë BE është projekti më i madh dhe më i guximshëm që mendja politike ka krijuar, është dhe destinacioni im dhe i yni. Është vetëm fakt që BE na ka zvarriotur, që jep fjalën dhe nuk e mban. Këtë unë jam i fundit që e them pasi e kanë thënë vetë përfaqësuesit e BE-së. Kur të ktheheni dhe njëherë, shikoni se ka një korsi të dedikuar të kanalit të gjelbër të Ballkanit të Hapur“, tha Rama.