Rama-gazetarëve: Jeni në vete që rrini këtu në shi, sa herë kemi mbledhje ne?

Në selinë e Partisë Socialiste vijojnë takimet midis kryeminsitrit Rama dhe koordinatorëve të kësaj force në rrethe në kuadër të pocesit për zgjedhjen e drejtuesve të strukturave vendore dhe mbajtjes së Kongresit.

Pasditen e sotme kryeministri, njëherësh kreu i PS Rama mblodhi koordinatorët e qarkut Shkodër, Dibër dhe Lezhë.

Në takim ishin të pranishëm respektivisht koordinatorët, njëherësh ministrat Shkëlqim Cani, Lindita Nikolla, Mimi Kodheli dhe kreu i Grupit Parlamentar të PS, Gramoz Ruçi.

Në fund të takimit, interesit të gazetarëve për këtë takim kreu i mazhorancës iu përgjigj në këtë mënyrë:

“Ore jeni në vete ju, se në çdo mbledhje pune që bëjmë ne, vini dhe rrini në shi këtu. Ikni dhe shkoni bëni ndonjë punë tjetër”.