Rama, intervistë për mediat italiane: Presim të vijnë deri në 3000 afganë

Kryeministri Edi Rama ka folur sërish për pritjen e afganëve në Shqipëri.

Në një intervistë për mediat italiane, Rama deklaron se në vendin tonë pritet të vijnë deri në 3 mijë qytetarë afganë.

“Historia jonë na e imponon këtë gjë. E kemi jetuar luftën dhe kujtesën e saj e kemi të freskët. Nëse Evropa është e dyzuar edhe për Afganistanin, është sepse s’e mbajnë mend historinë”, thotë Rama.

Më tej kryeministri ka theksuar se mirëpritja e refugjatëve është një detyrim për Shqipërinë.

“Nuk i jap leksione askujt. Aq më pak Italisë, ndaj së cilës jam shumë i lidhur. Por, po them se pritja e refugjatëve është detyrim i yni. Unë mbaj mend Millosheviçin, mbaj mend luftën, refugjatët, vdekjen torturat. Ishim ne afganët dikur, për ju italianët”, tha Rama.