Rama ironi me Voltana Ademin nga Skrapari: Nuk e kuptoj planin e saj, me siguri është faji im

Debatet mes të dyve kanë qenë të vazhdueshme që nga sherri live i ditës kur u inaugurua stadiumi “Loro Boriçi në Shkodër, aty ku Rama i kërkoi llogari për mos shembjen e ndërtimeve rreth stadiumit e që nga kryebashkiakja u interpretua si kërcënim.

Sot nga Skrapari, në një takim me fermerët, kryeministri Rama u rikthye të flasë për zonjën Ademi, e vetmja kryebashkiake sipas tij që nuk i kuptonte dot planin që kishte për qytetin e saj Shkodrën.

“Do mbështes kryebashkiakët përveç kryetares së Bashkisë së Shkodrës që s’ja kuptoj dot planin. Po ky me siguri është problemi im”,- tha Rama

Në distancë ata janë përplasur edhe pak ditë më parë për lulishten në lagjen “Manush Alinani” në Shkodër, ku Rama nuk nguroi ta cilësonte kryebashkiaken shembull të kokëboshësisë.