Rama “mbron” edhe Bashën në Vlorë

Gjatë vizitë së tij në Vlorë, Ramës nuk i janë ankuar vetëm qytetarët, por edhe anëtarët e Shtabit të Emergjencës.

Njëri prej tyre i është ankuar kryeministrit për Bashën, duke thënë se ka shpifur ndaj tyre.

Por, Rama e ka ndaluar atë të vazhdojë më tutje, duke thënë se demokratët e kanë marrë përgjigjien më 23 qershor.

Debati

Anëtari i shtabit: Z. Kryeministër unë do të doja t’u thoja dy llafe mediave që janë këtu prezent, se ditën e djeshme ka ardhur këtu kryetari i opozitës.

Rama: Lëre tani kryetarin e opozitës

Anëtari i shtabit: Jo, jo, unë kam…

Rama: Të lutem! Jo propagandë.

Anëtari i shtabit: Z. Kryeministër dëgjo, se mua më kanë ofenduar se kam 6 ditë këtu me gjithë shtabin dhe gjithë banorët dhe na e hedhin punën poshtë.

Rama: Njerëzit nuk janë budallenj, shikojnë, dëgjojnë, vlerësojnë… nuk jemi këtu për të bërë beteja politike. Opozita është e përmbytur që më 23 qershor. Kështu që mos u merr me opozitën.