Rama: Bashkimi kombëtar, në Bashkimin Evropian

Kryeministri i Shqipërisë, Edi Rama, gjatë fjalimit të tij në mbledhjen e dy qeverive të Kosovës dhe Shqipërisë ka thënë se vitin e kaluar shkëmbimet e mallrave kanë prekur kuotën 200 milionë euro.

“Është momenti për të shkruar më tujte sepse kemi bërë shumë, por ka shumë më shumë për të bërë. Rezultate e punës së deritanishme janë shumë inkurajuese, mjafton të nënvizojmë se vitin e shkuar shkëmbimet tregtare preken kuotën 200 milionë euro”, ka thënë ai.

“Ne po bëjmë përpjekje për të krijuar një pikë doganore të Kosovës në portin e Durrësit, që do ti japin një hovë të ri bashkëpunimit mes dy vendeve. Për herë të parë vendet tona kanë një strategji të përbashkët për ruajtjen e mjedisit. Shqipëria dhe Kosova kanë qenë gjithmonë bashkë në kohëra të vështira dhe të mira, por për herë te parë do të firmosim një marrëveshje për koordinim të përbashkët në rastet e fatkeqësive natyrore”, shtoi gjithashtu Rama.

Sipas tij, bashkimi kombëtar do kryhet në Bashkimin Evropian. “Ëndrra jonë për Bashkimin Kombëtar do të ndodhë në Bashkimin Evropian”, tha ai.