Rama: Mijëra fidanë të mbjellë gjatë javës, shembull i shkëlqyer i koordinimit për Vitin e Pyjeve

Kryeministri Edi Rama thotë se këtë javë janë mbjellë me mijëra fidanë në kuadër të vitit të pyjeve. Kreu i qeverisë, duke publikuar pamje nga puna e zhvilluar në Përmet, Gramsh, Tiranë e Librazhd, tha se kjo javë ishte një shembull i shkëlqyer i mobilizimit dhe koordinimit, ndërsa bëri të ditur se janë mijëra fidanë të mbjellë.

”Kjo javë ka qenë një shembull i shkëlqyer i mobilizimit dhe koordinimit për Vitin e Pyjeve. Nga veriu në jug, ekipet e bashkive, organizatat mjedisore dhe Agjencia Kombëtare e Pyjeve kanë qenë në sinkron të plotë për të shfrytëzuar çdo ditë nga kalendari biologjik i pyjeve duke bërë sa më shumë mbjellje dhe shtuar mijëra fidanë të rij. Momente nga vazhdimi i pyllëzimeve në Përmet, Gramsh, Tiranë e Librazhd”.

Në të gjitha bashkitë e vendit ka nisur fushata e pyllëzimit, në kuadër të Vitit të Pyjeve. Viti i Pyjeve është shpallur nga Ministria e Turizmit dhe Mjedisit si një vit me fushata pyllëzimi, por edhe edukimi dhe ndërgjegjësimi për qytetarët.