Rama: Miratuam mbi 5 mijë paga lufte për sektorin e Transportit Rrugor të Udhëtarëve

Kryeministri Edi Rama njofton në Facebook se qeveria ka miratuar mbi 5 mijë paga për sektorin e transportit që u godit për shkak të pandemisë.
“SOLIDARITET për sektorin e Transportit Rrugor të Udhëtarëve për lehtësimin e pasojave nga vonesa e detyruar e nisjes së aktivitetit në muajin qershor?
QEVERIA SHQIPTARE miraton: +5,191 Paga Lufte për punonjësit dhe të larguarit nga puna për Qershorin 2020! fekti financiar prej 134,966,000 Lekë mbulohet nga fondi rezervë i DPSHTRR!”, deklaron Rama.
Kryeministri shton se këto paga u mundësuan “falë mirëadministrimit, rezultateve rekord të 2019-ës dhe përgjegjësisë shembullore sociale të DPSHTRR-së, mundësohet mbështetja e dytë për sivjet nga DPSHTRR për sektorin e transportit të udhëtarëve me autobus (pas kompensimit të taksës vjetore TVMP)”.