Rama në Goricë të Beratit: Investimet zhvillojnë biznesin dhe rrisin vlerat turistike të zonës

Kryeministri Edi Rama këtë të martë është duke inspektuar disa prej investimeve që janë ndërmarrë në Berat. Bashkë me kryebashkiakun Demo, ata panë nga afër punimet tek investimi në lagjen Goricë, ku po punohet për forcimin e mbrojtjes lumore në të dy krahët e lumit Osum. Po ashtu ndoqën nga afër edhe punimet për ndërtimin e një unaze të vogël rreth e qark Kalasë, pedonalen, parkimin publik. Këto investime që do t’i japin një tjetër energji Goricës duke zhvilluar biznesin e duke rritur vlerat turistike të saj.