Rama: Në syrin e medias franceze “Le Figaro”, Shqipëria padiskutim destinacioni i kësaj vere

Kryeministri Edi Rama postoi në Facebook një shkrim nga media prestigjoze franceze “Le Figaro”, e cila e cilëson Shqipërinë si një destinacion i kësaj vere. Rama shprehet se “Le Figaro” iu servir lexuesve një qëmtim të kujdesshëm të destinacioneve.

“Në syrin e një prej mediave më elitare franceze siç është “Le Figaro” Shqipëria është padiskutim destinacioni i kësaj vere, duke iu servirur lexuesve një qëmtim të kujdesshëm të destinacioneve që përfshin shumëçka, dhe jo veç për pushimet verore, por me zonat e mbrojtura dhe sitet kulturore ofron zgjatjen e sezonit përtej verës, në një turizëm gjithëvjetor i cili është kthyer në realitet të prekshëm nga kushdo”, shkruan Rama në rrjetet sociale.