Rama niset drejt Berlinit, takim ”kokë më kokë” me kancelarin Scholz

Këtë të hënë kryeministri Edi Rama priti në një takim homologen nga Danimarka, dhe nesër kreu i qeverisë do të niset drejt Berlinit.

Rama do të pritet nga kancelari gjerman Olaf Scholz. Në këtë takim pritet të diskutohet për Procesin e Berlinit, takimi i radhës i të cilit pritet të mbahet ne vjeshtë të këtij viti në Tiranë.

Disa ditë më parë kryeministri Rama deklaroi se në takimin me Scholz do të caktohet data e samitit të Tiranës, të kësaj nisme.

Pjesë e diskutimeve pritet të jenë çështjet mes dy vendeve. Në Berlin do të mbahet dhe një panair për turizmin, ku do të prezantohen pikat kryesore turistike të Shqipërisë duke prezantuar kështu edhe një formë pakete destinacionesh.