Rama: Po flet zëri i fallxhorit, bashkimi i Shqipërisë me Kosovën do ndodhë një ditë

Në konferencën e përbashkët me kryeministrin e Kosovës, Rama u pyet çfarë mendonte nëse do të mbahej një referendum për bashkimin e vendeve. Kreu i qeverisë shqiptare theksoi se vota e tij do të ishte pro.

“Është pyetje apo është provokacja? Në rast se më pyesni në hipotezën e një referendumi paqësor të bashkimit, do bëja një shkelje të ligjit dhe do votoja hapur pro. Nëse më pyesni a do ndodhë apo jo meqë po më provokon edhe unë ju provokoj dhe ju them do ndodhë, por se di kur do ndodhë, një ditë them se do ndodhi.

U them atyre që do dalin dhe të bërtasin për Shqipërinë e madhe, që fallxhorët nuk gjykohen. Se është një fall dhe nëse do hidhja fall dhe po e hedh me imagjinatë se unë nuk shoh filxhan, por them se mund të ndodhë.

Fallin e futa në mes për përkthyesit, më ndihmoni dhe ju e thoni që foli zëri i fallxhori dhe jo i politikanit dhe kryeministrit të përgjegjshëm. Ju përgjigja provokimit me provokim. Nuk pyeten dy fallxhorë dy herë”, përfundoi Rama.