“Rama po u thotë shqiptarëve se kush thyen një pemë futet në burg, kur vret vishet polic”

Ish-ministri Ylli Manjani e cilëson skandaloz reagimin e sotëm të kreut të qeverisë, ku kërcënoi me burg qytetarët që protestojnë.

Manjani shprehet se Rama po u thotë shqiptarëve se kush thyen pemët futet në burg, kur rreh dhe vret vishet polic.

“Poooo…. fiks! Ky është ligji i fytyrës së vërtetë të pushtetit! I transmetuar në Twitter. Kush thyen xhama e djeg pemët plastike dënohet me burg. Kush rreh, dhunon e vret vishet polic!!!

Hë ta lumsha! Super mesazh dha! Jepi, nxirre të gjithën që ke!  Ta kuptojnë edhe peshqit në det se kush je në të vërtetë… Ai i hoqi maskat. I ranë të gjitha, një e nga një. Po opozita?!”,- shkruan Manjani në një postim në Facebook.