Rama poston fotot: Ndërtimi i dy unazave të Durrësit ndër investimet më të rëndësishme, lehtësohet trafiku

Në Durrës po vijon puna për ndërtimin e dy unazave të qytetit, që do të lehtësojnë trafikun e mjeteve dhe të këmbësorëve.

Kryeministri Edi Rama ka ndarë për ndjekësit në Facebook, foto nga ky kantier ndërtimi, ndërsa e cilësoi si një ndër investimet më të rëndësishme të viteve të fundit.

”Kantieri i ndërtimit të dy unazave në qytetit të Durrësit, ndër investimet më të rëndësishme të viteve të fundit, që do të lidhin zonën e Currilave me rrugën “Aleksandër Goga” e do të lehtësojnë trafikun e mjeteve dhe të këmbësorëve”, u shpreh Rama.

Nga ana tjetër, kreu i qeverisë bëri të ditur se Unaza Spitallë-Currila do të jetë me katër korsi dhe një korsi biçikletash ndërsa unaza tjetër, Spitali-Currila do të jetë me dy korsi, një korsi biçikletash dhe parkim.