Rama, presion drejtuesve të PS në qarqe: Dua 74 mandate më 25 prill!

Kreu i PS-së, Edi Rama ka qenë shumë i qartë dhe i prerë me drejtuesit politikë të qarqeve, të cilët i mblodhi sot në një takim që ka zgjatur plot tre orë në selinë rozë.

Rama ka kërkuar që në zgjedhjet parlamentare të 2021 të arrihen 74 mandate nga PS, pra fitorja e një mandati të tretë.

“Në zgjedhje synojmë të marrim 74 mandate. Nga nesër nis riformatimi i FRESSH dhe më pas Forumi i gruas”,- ka thënë Rama në mbledhje.

Rama po ashtu u ka kërkuar drejtuesve të qarqeve një raport te detajuar deri javën e ardhshme për problemet e qarkut përkatës: probleme në qeverisje, drejtori rajonale, si dhe me partinë.