Rama prishi marrëveshjen e 2009 që për karrigen e tij t’i dhuronte Greqisë 12 miljet detare…

Nga Kastriot Islami

Rama pasi dështoi në cdo aspekt të politikës së brëndshme, si një bylmez tipik  mori rrugën drejt strofkës së fundit të nacionalizmit e të tradhëtisë kombëtare…Ky do të ishte fundi i pashmangshëm i një dështaku që së fundmi me sjelljet e tij tinzare, perverse e antikombëtare po përpiqet vetëm për karriken e tij. Përvec cështjes së kufirit detar me Greqinë për të cilin Rama do të mbahet mënd nga shqiptarët si trafikant i detit, ai do të damkoset edhe si trafikant i pavarësisë e sovranitetit të Kosovës me sulmet monstruoze ndaj lidershipit të Kosovës deri në akuza të turpshme kundër disa prej tyre por edhe si destabilizues i Ballkanit kur në bashkepunim me Vucic, duke i futur thikën pas shpine Merkelit, hodhi tezën antieuropiane për ndryshimin e kufijve në Ballkan.

Loja e tij e fjalëve dhe mungesa e transparencës sa herë Rama kapet mat, vecse ka forcuar perceptimin negativ te qytetarët për veprimet e tij në cënim të integritetit territorial të vendit. Më konkretisht për të pasqyruar më mirë këtë perceptim publik po vënë në dispozicion të lexuesve një status në fb të një shqiptari inteligjent, që e zbulon Ramën si mashtrues mediokër e dredharak naiv: Ju zoti Rama insistoni se s’jeni tradhëtar sepse s’mund të kryeni asnjë veprim tradhëtie, me argumentin se në shekullin XXI s’mund të ketë trafikantë të detit. Por harroni se edhe  viti 2013, kur ju zoti Rama në opozitë, e dërguat marrëveshjen e detit të firmosur në 2009 nga të dy palët, në Gjykatën Kushtetuese të Shqipërisë dhe kur ju akuzonit nënshkruesit e saj si “tradhëtarë”,  a nuk ishte vallë shekulli XXI?

Rama në komunkimin me shqiptarët dhe ndërkombëtarët është hermetik, s’thotë asnjëherë të vërtetën, por vetëm gënjen, sajon e mashtron. Ai si tinzar e hileqar bën gjithnjë lojra fjalësh, dhe sa herë kapet mat vecse rrit dyshimet për gjithcka bën apo thotë. Kështu e ka trajtuar edhe politikën e jashtme, kështu po e trajton cështjen e marrëveshjes së detit me Greqinë. Gjithnjë me arrogance, mashtrime e tinëzisht, është sjellë me të gjithë, me shqiptarët, grekët, turqit. Por duket se tani më së fundmi i ka dalë boja dhe të gjithë e njohin tashmë shumë mirë.

Rama duhet të japë përgjigje të saktë e të plotë përse sot mbron idenë e zgjerimit me 12 milje ndërkohë që në 2009 heshte për këtë cështje dhe më tej deri në 2019 bënte arrogantin në marrëdhëniet me Greqinë…Aktualisht, heshtja e tij fillestare por edhe dekarata e tij miratuese më vonë ndaj qëndrimit të palës greke për zgjerimin me 12 milje, sipas eksperteve vëndas, vlerësohet se do të kenë ndikim në vendimin e Gjykatës Ndërkombëtare, duke favorizuar Greqinë dhe duke e vënë Shqipërinë në pozita të dizfavorshme… Rama më këtë sjellje është kthyer në avokat të Greqisë, duke dëmtuar rëndë interesat e vëndit sepse kujdeset vetëm për karriken e tij.

Nga media greke, rezulton se Rama gjatë telefonatave të tij me drejtues të lartë grekë apo në takimet e fshehta me palën greke duket se ka rënë dakord paraprakisht për qëndrimin e palës greke… Sepse do të ishte e pamundur që pala serioze greke, pa një bisedë paraprake me Ramën, të bënte një deklaratë të tillë. Nga ana tjetër do të ishte e cuditshme që Rama të heshte apo të deklaronte dakordësinë sic e deklaroi nëse nuk do të kishte rënë dakord paraprakisht gjatë takimeve të fshehta…Për të karakterizuar me një gjuhë më të kuptueshme për lexuesin sjelljen e Ramës, në rrjetet sociale ekziston një “perlë” e një juristi të shquar: Rama shkatërroi marrëveshjen e 2009 që i akordonte Greqise 6 milje sepse duket kishte planifikuar ti jepte 12 milje, në shkëmbim të ruajtjes së karrikes së tij…

Rama nuk e ka trajtuar këtë cështje madhore me tranparencë, përgjegjësi e seriozitet.. Pa asnjë dyshim, qeveria Rama, pas vitit 2013, i ka kryer të gjithë veprimet lidhur me këtë cështje në terr të plotë informacioni e në mënyrë krejtësisht të një anëshme. Pa asnjë konsultim me Presidentin e Republikës apo opozitën, madje as edhe me Parlamentin…

Rama me një diletantizëm e mediokritet ekstrem, nga informacionet e mëdias vëndase e të huaj por edhe nga qëndrimet e ekspertëve  vëndas, më rezulton se Rama ka arritur një marrëveshje të fshehtë me palen greke për cështjen e detit, duke u kujdesur vetëm për karriken e tij.  Sepse është paradoksale që nga njëra anë me budallallëk deklaron se do ta dergojë marrëveshjen në Gjykatën Nderkombëtare, kurse nga ana tjetër se insiston me marëzinë e tij se s’ka bërë asnjë marrëveshje me palën greke për këtë cështje. Shtuar kësaj marrëzie avokatinë idioteske  të Ramës për vendimin e fundit të palës greke, ekspertët mendojnë se  me këto sjellje e veprime, produkti i dalë nga Gjykata Nderkombetare nuk do të mund të jetë më i mirë se marrëveshje e vitit 2009…

Përfundimisht,  nga të gjithë informacionet e medias dhe shumë nga analizat e qëndrimet e ekspertëve vëndas, që nga viti 2009, rezulton se deklaratat e veprimet e Ramës konsiderohen në dëm të interesave të Shqipërisë, thjesht e vetëm për interesin e karrikes së pushtetit të tij personal.