Rama reagon pas deklaratës së Presidentit Meta

Kryeministri Edi Rama i ka kthyer përgjigje të prerë Presidentit të vendit, Ilir Meta, i cili theksoi vetëm pak më parë se ndryshimi i sistemit bëhet vetëm me referendum.

Me një shënim në Twitter, Rama thekson se “Askund nuk bëhet referendum për këto çështje”.

Duke theksuar se “as sistemi s’do ndryshojë, as koalicionet s’do ndalohen”, Rama ka deklaruar se “listat do hapen nga Kuvendi i Shqipërisë me ligj, me zakon e me karton!”.

Reagimi i kryeministrit Rama

IM thotë ndryshimi i sistemit,heqja e koalicioneve,hapja e listave bëhen vetëm me referendum!Askund nuk bëhet referendum për këto çështje. Ndërsa këtu as sistemi s’do ndryshojë,as koalicionet s’do ndalohen,po listat do hapen nga Kuvendi i Shqipërisë me ligj, me zakon e me karton!