Rama shpërndan foto nga Tirana e sotme: “Dita pa makina” duhet të bëhet pjesë e kalendarit mujor

Kryeministri Edi Rama ka shpërndarë në rrjetin social “Facebook” foto nga rrugët e zbrazëta në Tiranë si pasojë e “Ditës pa makina”.

Krahas pamjeve të publikuara, kryeministri shkruan se një ditë e tillë duhet të bëhet pjesë e pandalshme e kalendarit mujor të kryeqytetit.

Postimi i plotë:

DITA PA MAKINA duhet të bëhet hap pas hapi pjesë e pandashme e kalendarit tonë mujor, ashtu sikundër fuqizimi i transportit publik dhe nxitja e përdorimit të biçikletave në qytet, do të jenë pjesë e pandashme e punës së përbashkët me pushtetin vendor, për më shumë cilësi jete në hapësirat publike të komuniteteve tona.