Rama: Unë nuk kënaqem as me veten time, jo më me drejtuesit politikë

Kryeministri Edi Rama ka folur për mediat pas takimit në selinë e PS me drejtuesit politikë të qarqeve.

Fushata zgjedhore ka qenë në qendër të diskutimit dhe, lidhur me këtë, Rama tha se është koha për të intensifikuar komunikimin me njerëzit.

I pyetur nëse është i kënaqur me punën e drejtuesve të PS në qarqe, kreu i PS tha se nuk është i kënaqur as me veten e tij, jo më me drejtuesit politikë

“Është koha për të intensifikuar komunikimin me njerëzit dhe punën që të vazhdojmë të përmirësojmë marrëdhëniet e pushtetit qëndror dhe vendor me bazën.
Unë nuk jam asnjëherë i kënaqur as me veten time, lërë më me drejtuesit politikë”, deklaroi Rama.