Rama uron mirëmëngjesi nga sfida e “Albania All Senses” në panairin prestigjioz të turizmit, FITUR, Spanjë

Kryeministri Edi Rama ka ndarë mëngjesin e kësaj të diele një mesazh urimi për të gjithë qytetarët, shoqëruar me një videokartolinë nga Panairi Ndërkombëtar i Turizmit FITUR, ku Shqipëria është përfaqësuar me stendën “Albania All Senses”.

Në postimin e tij, Rama ka theksuar se stenda shqiptare ka ngjallur një interes të jashtëzakonshëm mes vizitorëve dhe është cilësuar nga organizatorët si një nga stacionet më tërheqëse të panairit. Ky sukses premton një tjetër vit të shkëlqyer për turizmin shqiptar, duke forcuar pozicionin e vendit tonë si një destinacion tërheqës dhe unik.

“Ju uroj një të diel të paqtë,” ka shkruar Kryeministri, duke ndarë optimizmin për një sezon turistik plot arritje dhe mundësi.

FITUR, i cili mbahet çdo vit në Madrid, është një nga panairet më të rëndësishëm të turizmit në botë, ku marrin pjesë vende dhe kompani nga e gjithë bota për të promovuar ofertat dhe atraksionet turistike. Shqipëria këtë vit ka shkëlqyer me konceptin inovativ “Albania All Senses”, që sjell një përvojë gjithëpërfshirëse për vizitorët.

Ky event mbahet në qendrën e njohur të ekspozitave dhe kongreseve IFEMA Madrid, që është një nga hapësirat më të mëdha dhe të rëndësishme për aktivitete të këtij lloji në botë.

FITUR është një nga panairet më prestigjiozë të turizmit, duke tërhequr profesionistë të industrisë, përfaqësues të vendeve, dhe vizitorë nga e gjithë bota për të prezantuar dhe promovuar destinacione dhe produkte turistike.

AV